گهیځ
کابل/ګهیځ: نن چهارشنبه (د تلې/میزان ۱۳مه او د اکټوبر ۵مه نېټه ده) د ترانسپورټ او هوایی چلند وزارت وایی، چې د عربی متحده اماراتو له یوې کمپنۍ سره یې د افغانستان هوایی چلند درېیو لویو برخو کې لوی قرادادونه لاسلیک کړی دی.
دا قراردادونه له ګانوم شرکت سره د ځمکنیو خدمتونو، فضایی امنیت او د هېواد په کچه د لویو هوایی خدمتونو په برخه کې شوې دی.
د ملی راډیو ټلویزیون د راپور له مخې د هوایی چلند وزارت ویاند امام الدین احمدی ویلی، چې د یادو قراردادونو پر مټ به د هوایی چلند خدمتونه بنسټیز او معیاری کړی او تر څنګ به یې افغانستان د تخنیکی کسانو په روزلو کې پر ځان متکی شی.
احمدی ویلی، چې د قرارداد له مخې ټاکل شوی کسان به د روزونکو په توګه افغانستان ته راځی او په دې برخه کې به افغانان روزی، د نوموړی په خبره که بهر ته د تلو اړتیا پېښه شی دا چاره به هم کوی.
وزارت وایی، چې په دې سره به له افغانستانه عبوری الوتنې هم ډېرې شی.
