گهیځ
کابل/ګهیځ: نن سې شنبه (د تلې/میزان ۲۶مه او د اکټوبر میاشتې ۱۸مه نېټه ده) د افغانستان د کرېکټ ملی لوبډله به د نړیوال جام په درشل کې د خپلې دوهمې تمریناتی لوبو په لړ کې د پاکستان پر وړاندې د سیالۍ ډګر ته ښکته شی.
د افغانستان د کرېکټ ملی لوبډلې خپله لومړۍ تمریناتی لوبه پرون له بنګله دېش څخه د ۶۲ منډو په توپیر وګټله.
د کرېکټ بورډ ویاند فرید هوتک د پرونۍ لوبې په رسینو ته وویل: “لکه څنګه چې مو د افغانستان او بنګلهدېش ترمنځ لوبه ولیدله، څرګنده شوه چې د هېواد ملی لوبډلې نړیوال جام ته پوره چمتووالی نیولی دی.”
افغان لوبډلې په شلو اورونو کې یې د اوو لوبغاړو په سوځېدو سره سیالې لوبډلې ته د ۱۶۱ منډو هدف وټاکه.
بنګله دېش په شل اورونو کې د ۹۸ منډو په جوړولو سره نهه لوبغاړی له لاسه ورکړل.
افغان لوبډله به په نړیوال جام کې لومړۍ رسمی لوبه له انګلستان سره ترسره کړی.
