گهیځ
کابل-ګهیځ نیوز( د حمل/وري ۷ نېټه):
د عامې روغتیا وزارت مسوولین وايي، چې په تېر زېږدیز کال کې یې هېواد کې د دغې ناروغۍ د مثبتو پېښو شمېر ۳۰ سلنه زیاتوالی موندلی دی.
د عامې روغتیا وزارت د شمېرو پر بنسټ په ۲۰۲۲ زېږدیز کال کې په ټول هېواد کې پر سِل یا توبرکلوز د اخته کسانو شمېر ۵۲ زره تنو ته رسېده.
دغه وزارت زیاتوي چې د نري رنځ ناروغۍ د درملنې لپاره یې په ټول هېواد کې ۸۵۰ مرکزونه فعال ساتلي دي.
بل لور بیا کابل کې د افغان جاپان روغتون سرطبیب رسنیو ته ويلي، چې دغه روغتون ته د پخوا په پرتله د سِل یا توبرکلوز ناروغۍ مراجعه کوونکي ډېر شوي دي.
د دغه سرطبیب په خبره یوازې افغان جاپان روغتون ته د ورځې د سل ناروغانو څخه څه باندې ۷۰ ناروغان له همدې امله مراجعه کوي.
له دې سره سم ځينې هغه ناروغان چې په دغه روغتون کې تر درملنې لاندې دي، له عامې روغتیا وزارت څخه غواړي، چې په ولایتونو کې یې هم د سِل ناروغۍ د درملنې امکانات برابر کړي.
ـــــــــــــــــــــــ
د نورو خبرونو لپاره زموږ له ټلیګرام،ټویتر، ویب سایټ او د فېسبوک پاڼې له خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-105079805744164/