گهیځ
ا.ا هند او نورو هېوادونو کې روزل شویو افغان نظامیانو ته د دندې ورکولو ژمنه کړې
ګهیځ نیوز: نن شنبه (د چنګاښ یا سرطان ۴مه او د جون میاشتې ۲۵مه نېټه ده) د کورنیوچارو وزارت وايي، چې په هند او نورو هېوادونو کې روزل شوي افغان پوځیان دې هېواد ته راستانه شي، په دندو به یې وګوماري.
د دې وزارت ویاند عبدالنافع ټکور بېګاه په یوه مرکه کې وویل، چې په بهر کې روزل شوي افغان نظامیان د هېواد شتمني ده.
هغه وویل: “په هند او نورو هېوادونو کې روزل شوي افغان نظامیان د وطن کدري شتمني ده. د اسلامي امارت د کورنیو چارو وزارت تیار دی چې یاد کسان د خپلو زده کړو او مسلک مطابق پر دندو وګوماري.”
حکومت په هند کې روزل شویو افغان پوځیانو ته په دولتي چوکاټ کې د دندو د ورکولو ژمنه داسې مهال کوي چې هند د پنجشنبې په ورځ په کابل کې خپل سفارت ته یوه تخنیکي ډله واستوله او په دې توګه یې په افغانستان کې خپل ډيپلوماتیک حضور یوځل بیا پیل کړ.
