گهیځ
کابل-گهیځ نیوز( د جدی/مرغومی لومړی):
دغې ټولنې ویلي، د افغانستان سرپرست حکومت مکلف دی، چې د هغو نړیوالو تړونونو او کنوانسیونونو پر بنسټ چې دغه هېواد لاسلیک کړي، د افغانانو د حقونو ساتنه او درناوی وکړي. اروپايي ټولنې د یوې اعلامیې په خپرولو سره ویلي چې پوهنتونونو ته د ښځو د ورتګ د مخنیوي په اړه د افغانستان د سرپرست حکومت پرېکړه له نړیوالو مکلفیتونو او قوانینو څخه سرغړونه ده چې د ښځو او نجونو پر وړاندې بنسټیز او سیستماتیک تبعیض دی.
دوی زیاتوي چې په نړیوالو تړونونو کې د ټولو لپاره له تبعیض پرته باکیفیته زده کړو ته لاسرسی شامل دی.
دغې اتحادیې ویلي چې هر ماشوم باید له کوم تبعیض پرته لومړنیو او منځنیو زده کړو ته لاسرسی ولري او لوړو زده کړو ته هم باید له کوم توپیر پرته اجازه ورکړل شي.
د نجونو پر مخ د پوهنتونونو د دروازو د تړلو په اړه د د حکومت وروستۍ پرېکړه له پراخو کورنیو او نړیوالو غبرګونونو سره مخ شوې ده.
ـــــــــــــــــــــــ
د نورو خبرونو لپاره زموږ له ټلیګرام، ویب سایټ او د فېسبوک پاڼې لۀ خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
Web:
FB page:
https://www.facebook.com/Gaheez-News-105079805744164/