گهیځ
کابل-ګهیځ نیوز(د کب / حوت ۹ نېټه)
د ګهیځ نیوز د خبر له مخې ازبکستان او پاکستان هوکړه کړې، چې له افغانستان سره به یوه درې اړخیزه ګډه کمېټه جوړوي، څو د درې واړو هېوادونو ترمنځ د اورګاډي د پټلۍ غځولو پر وړاندې شته ستونزې حل او د پروژې عملي چارې چټکې کړي.
د ازبکستان ولسمشر شوکت میر ضیایف د پاکستان له لومړي وزیر شهباز شریف سره په تاشکند کې د لیدنې پر مهال د دې پروژې پر اهمیت خبرې کړي.
ضیایف ویلي، دا پټلۍ به د منځنۍ آسیا او سویلي آسیا ترمنځ سوداګریزې اړیکې پراخې کړي او افغانستان ته به د سیمه ییز ټرانزیټ لپاره نوې دروازې پرانیزي.
د لیدنې پر مهال دواړو مشرانو ټینګار کړی، چې د افغانستان له اړوندو چارواکو سره به ګډې هڅې کوي، څو د یادې پټلۍ لپاره مالي منابع برابرې، تخنیکي ستونزې حل او د امنیتي تدابیرو د پیاوړتیا لپاره لازم ګامونه پورته شي.
د چارو کارپوهان وايي، که دا پروژه عملي شي، افغانستان به د ازبکستان، پاکستان او نورو سیمه ییزو هېوادونو ترمنځ د لویې سوداګریزې لارې په توګه مطرح شي، چې له یوې خوا به د هېواد عواید زیات کړي او له بلې خوا به د سیمه ییزې همکارۍ کچه لوړه شي.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/