گهیځ
کابل-ګهیځ نیوز(د زمری/اسد ۲۸ مه نېټه)
د ګهیځ نیوز د خبر له مخې د ازبکستان لومړي وزیر عبدالله عارف اوف په کابل کې د بهرنیو چارو له سرپرست وزیر سره کتلي.
د بهرنیو چارو وزارت د یوې خبرپاڼې په خپرولو سره ویلي، چې په دې کتنه کې د افغانستان او ازبکستان پر دوه اړخیزو اړیکو، اقتصادي همکاریو، سوداګرۍ او ټرانزیټ په تړاو خبرې – اترې شوي.
د خبرپاڼې پر بنسټ عارف اوف ویلي، د ازبکستان ولسمشر له افغانستان سره د اړیکو پر پراختیا ټنیګار کړی او کابل ته په لوړه کچه د پلاوي استول د دې ښکارندويي کوي.
نوموړي ویلي، غواړي له افغانستان سره ډپيلوماټیکې اړیکې پراخې کړي او له همدې امله په نږدې راتلونکي کې به په تاشکند کې د سرپرست حکومت سفیر ومني او افغان سوداګرو، زده کړیالانو او ناروغانو ته د ویزې ورکړه پيل کړي.
د بهرنیو چارو سرپرست وزیر په دغه کتنه کې ویلي، افغانستان لېواله دی چې په سیمه ییزو سازمانونو کې یې حضور احیا شي.
نوموړي همدارنګه زیاته کړې، چې د افغان ټرانس رېل پټلۍ له جوړېدو سره به دواړه هېوادونه مرکزي او سوېلي آسیا سره نښلوي او سوداګرو ته د ویزو په برخه کې آسانتیا کولی شي چې سوداګري نوره هم زیاته کړي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/