گهیځ
کابل-ګهیځ نیوز( د حمل / وري ۱۲مه نېټه):
د ګهیځ نیوز د خبر له مخې رویټرز خبري آژانس ویلي، چې د اسراییلو بې پیلوټه الوتکې د لبنان رمیش سرحدي سيمې ته څېرمه د ملګرو ملتونو پر څارونکو برید کړی، چې په ترڅ کې یې څلور تنه یې ټپیان کړي دي.
رویټرز د دوو امنیتي سرچینو له قوله ویلي، چې اسراییلي برید د رمیش له سرحدي ښارګوټي بهر د ملګرو ملتونو د څارونکو پر یوه موټر ترسره شوی دی.
د لبنان رسمي خبري آژانس هم ويلي چې د ملګرو ملتونو د څارونکو يوه ډله د اسراییلي اشغالګرو د هوايي بريد ښکار شوې چې له امله يې ۴ تنه ټپيان شوي چې د يو تن حالت يې نازک دی.
د اسرایيلو پوځ بيا د لبنان په رميش سيمه کې د ملګرو ملتونو د څاورنکو(UNIFIL) افرادو په نښه کول رد کړي دي.
د غزې جګړې او هلته د اسرایيلي وحشتونو پر دوام، د لبنان او اسرايیلو ترمنځ سرحدي سيمې د تنشونو، جګړو، هوايي او توغنديزو بريدونو شاهده ده، چې له امله يې ډېر کله دواړو خواوو ته مرګ – ژوبله هم اوښتې ده.
ــــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/