گهیځ
کابل-ګهیځ نیوز( د حمل / وری ۱۲مه نېټه):
د ګهیځ نیوز د خبر له مخې رویټرز خبری آژانس ویلی، چې د اسراییلو بې پیلوټه الوتکې د لبنان رمیش سرحدی سیمې ته څېرمه د ملګرو ملتونو پر څارونکو برید کړی، چې په ترڅ کې یې څلور تنه یې ټپیان کړی دی.
رویټرز د دوو امنیتی سرچینو له قوله ویلی، چې اسراییلی برید د رمیش له سرحدی ښارګوټی بهر د ملګرو ملتونو د څارونکو پر یوه موټر ترسره شوی دی.
د لبنان رسمی خبری آژانس هم ویلی چې د ملګرو ملتونو د څارونکو یوه ډله د اسراییلی اشغالګرو د هوایی برید ښکار شوې چې له امله یې ۴ تنه ټپیان شوی چې د یو تن حالت یې نازک دی.
د اسراییلو پوځ بیا د لبنان په رمیش سیمه کې د ملګرو ملتونو د څاورنکو(UNIFIL) افرادو په نښه کول رد کړی دی.
د غزې جګړې او هلته د اسراییلی وحشتونو پر دوام، د لبنان او اسراییلو ترمنځ سرحدی سیمې د تنشونو، جګړو، هوایی او توغندیزو بریدونو شاهده ده، چې له امله یې ډېر کله دواړو خواوو ته مرګ – ژوبله هم اوښتې ده.
ــــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.
ګهیځ نیوز، د اطلاع رسونې باوری سرچینه
زموږ خبری ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/