اسراییلي بریدونو په لبنان کې ۵ سوه تنه ووژل او له ۱۶ سوو ډېر کسان یې ژوبل کړل

کابل-ګهیځ نیوز(د تلي/ میزان ۳ مه نېټه)

د ګهیځ ‏نیوز د خبر له مخې د لبنان روغتیا وزارت ویلي، چې د لبنان جنوب کې د اشغالګرو اسراییلو د بریدونو په پایله کې ۵۰۰ تنه وژل شوي او تر ۱۶۰۰ ډېر نور ټپیان دي.

الجزیرې تلوېزیون د لبنان روغتیا وزارت له قوله ویلي، چې د لبنان جنوب کې د اسراییلو بریدونو کې زیاتره قربانیان ښځې او ماشومان دي.

بل لور د اسراییلو پوځ ویلي، چې پر لبنان باندې دغو بریدونو کې یې د لبنان حـ زب الله ډلې ۳۰۰ مرکزونه په نښه کړي دي.

اسراییلي اشغالګرو دغه بریدونه وروسته له هغې ترسره کړل، چې لبنان د اسراییلو شمال کې پر حیفا ښار توغندیز برید وکړ.

د اسراییلو د دفاع وزیر هم په یوه خبرې کنفرانس کې ویلي، پر لبنان د دوی بریدونه شدید شوي او تر ډېر وخت به دوام وکړي.

د اسراییلو او لبنان ترمنځ وروسته له هغې کرکېچ زیات شو، چې لبنان کې د حـ ـزب الله پر ډلې د پېجرونو چاودنو کې اسراییلو خپل لاس لرل تایید کړل.

ــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.

ګهیځ نیوز، د اطلاع رسونې باوري سرچینه

زموږ خبري ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/