گهیځ
کابل-ګهیځ نیوز(د کب/ حوت ۱۱ مه نېټه)
د ګهیځ نیوز د خبر له مخې د کرنې، اوبو لګونې او مالدارۍ وزارت مرستیال صدراعظم عثماني ویلي، له ملګرو ملتونو سره یې یوه کاري ډله جوړه کړې، چې موخه یې د کروندګرو ملاتړ او د بدیلو کښتونو پراخوالی دی.
عثماني زیاتوي، افغانستان هر کال ۷ میلیونه ټنه غنمو ته اړتیا لري، خو اوسمهال ۵ میلیونه ټنه غنم تولیدیږي، چې هېواد د غنمو د تولید له پلوه ځان بسیاینې ته نږدې شوی دی.
همدا راز، د وزارت مرستیال زیاته کړې، چې په تېرو دریو کلونو کې د حبوباتو تولید له ۹۶ زره ټنو څخه ۱۲۷ زره ټنو ته لوړ شوی، چې دا پرمختګ د کرنیزو اصلاحاتو او د کروندګرو له هڅو سره تړاو لري.
د مسوولینو په وینا دغه هڅې د افغانستان د کرنیزې ودې لپاره مهمې بلل کیږي او د ملګرو ملتونو سره د همکارۍ دوام کولی شي د خوراکي امنیت د لا ښه والي سبب شي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/