افغانستان سره د کرکټ نړیوالې شورا له د یو لړ همکاریو ژمنه کړې

کابل-ګهیځ نیوز( د حمل/وری لومړۍ نېټه):
د افغانستان کرکټ بورډ څخه په خپره شوې خبرپاڼه کې ویل شوی، چې د کرکټ بورډ عمومی مشر میرویس اشرف او اجراییوی رییس د کرکټ نړیوالې شورا د غړو هېوادونو د عمومی او اجراییوی مشرانو په غونډو کې ګډون وکړ.
افغان کرکټ بورډ دغه خبرپاڼه کې زیاته کړې، چې د نړیوالې شورا په عمومی غونډه کې افغانستان سره د تخنیکی همکاریو ترڅنګ د بودیجې زیاتولو پرېکړه هم شوې ده.
خبرپاڼه کې راغلی، په یاده غونډه کې نه یوازې دا چې د افغانستان د راتلونکو سیالیو پروګرام تایید شو، بلکې د افغانستان کرکټ بورډ رسمی روزونکو ته د کرکټ نړیوالې شورا له لوری د روان کال د می میاشتې له ۲۰مې تر ۳۰مې نېټې پورې د درېیمې درجې روزنې پروګرام پیلېدل هم تایید شول، چې په کې به لس افغان روزونکی ګډون وکړی.
د خبرپاڼې له قوله په یاده ناسته کې هوکړه وشوه، چې د کرکټ نړیواله شورا به په نږدې راتلونکی کې د لوړو کارکردګیو پروګرام پیلوی چې په ترڅ کې به یې څلور بشپړ او دوهمه درجه غړیتوب لرونکی هېوادونه لوبې کوی.
ـــــــــــــــــــــــ