گهیځ
کابل-ګهیځ نیوز(د مرغومی / جدی ۲۷ مه نېټه)
د ګهیځ نیوز د خبر له مخې د بهرنیو چارو وزارت سیاسی مرستیال د اقلیمی بدلون د ۲۹مې نړیوالې غونډې د پایلو او اغېزو د ارزونې په کنفرانس کې د افغانستان اقلیمی زیانونو ته په اشارې ویلی، چې افغانستان کې د جګړو په اوږدو کې د بمونو او کیمیاوی وسلو کارول د هېواد اقلیم ته جدی زیان اړولی دی.
نوموړی زیاته کړې، چې د پخوانی شوروی اتحاد د اشغال پر مهال جګړو د هېواد ۸۰ سلنه ځنګلونه له منځه وړی دی.
نوموړی په خپلو خبرو کې د امریکا له خوا د بمونو مور او کیمیاوی وسلو د کارولو اغېزې هم یادې کړی، چې د افغانستان طبیعی چاپېریال یې په شدیده توګه اغېزمن کړی دی.
سیاسی مرستیال د دې ناورین د حل لپاره د هېواد د اوبو د کنټرول او مدیریت پر اهمیت ټینګار کړی او یادونه یې کړې، چې د اقلیم د بیارغونې لپاره باید ګډې هڅې ترسره شی.
دغه کنفرانس کې د افغانستان اقلیم ته د زیانونو د ارزونې ترڅنګ د چاپېریالی ستونزو د هوارۍ لپاره هم د عملی اقداماتو غوښتنه شوې.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.
ګهیځ نیوز، د اطلاع رسونې باوری سرچینه
زموږ خبری ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/