گهیځ
کابل-ګهیځ نیوز(د لیندۍ / قوس ۱۱ مه نېټه)
د ګهیځ نیوز د خبر له مخې د بهرنيو چارو سرپرست وزیر د افغانستان لپاره د ترکيې له سفير جنک اونال سره کتلي.
له ياد وزارت څخه په خپره شوې خبرپاڼه کې راغلي، چې په دې کتنه کې د دواړو هېوادونو ترمنځ پر سیاسي او اقتصادي اړیکو هراړخیزې خبرې شوي.
د خبرپاڼې په وینا د بهرنيو چارو وزارت سرپرست د دغې کتنې پر مهال ترکیه کې په ترسره شوي حلال نندارتون کې د افغان پلاوي ګډون او د لاجوردو لارې د فعالیت په تړاو په هغه هېواد کې د وروستۍ ناستې هرکلی کړی او په دې اړه یې د ترکیې حکومت د هڅو قدرداني کړې ده.
سرپرست وزیر همدارنګه د دواړو هېوادونو ترمنځ د ډیپلوماتیکو اړیکو اوسنی وضعیت مثبت ارزولی او هیله یې څرګنده کړې، چې دواړه لوري وکولی شي نور رغنده ګامونه هم پورته کړي.
په ورته وخت کې د افغانستان لپاره د ترکیې سفیر په دغه کتنه کې ويلي، دمګړۍ د افغانستان د سوداګرۍ وزیر د یوه پلاوي په مشرۍ په ترکیه کې دی، چې حلال نندارتون کې یې د ګډون ترڅنګ له خپل ترکي سیال سره هم پر دوه اړخیزې سوداګرۍ رغنده خبرې کړې دي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/