گهیځ
ګهیځ: نن سې شنبه (د کب ۳مه نېټه) د افغانستان اسلامی امارت د سیګار هغه راپور ناسم بللی، چې ویلی وو افغان حکومت هره ورځ ۳ میلیونه ډالر عواید راټولوی.
مالیې وزارت په دې اړه خپره کړې خبرپاڼه کې ویلی چې د سیګار دا راپور د ناسمو معلوماتو پر بنسټ چمتو شوی دی او هغه څرګندونې هیڅ حقیقت نه لری چې ګوندې اسلامی امارت د ورځې ۳ میلیون ډالر عواید راټولوی.
یاد وزارت څرګنده کړې ده چې دوی تر اوسه پورې په دې اړه هیڅ راز رسمی ارقام نه دی خپاره کړی.
دغه وزارت له سیګار څخه غوښتنه کړې ده چې د تېر ایستونکو پر خبرو دې نه غولېږی او د هغوی پوچو څرګندونو ته دې هوا نه ورکوی.
