گهیځ
کابل-ګهیځ نیوز(د جوزا ۸مه نېټه):
د ګهیځ نیوز د خبر له مخې د افغان حکومت د بهرنیو چارو وزارت د یوې اعلامیې په خپرولو سره د فلسطینی دولت د رسمیت پېژندنې په اړه د آیرلېنډ جمهوریت او ناروې او هسپانیې شاهی دولتونو پرېکړه مثبت ګام بللی او هرکلی یې کړی.
د اعلامیې له مخې دا پرمختګ په داسې حال کې رامنځته کیږی، چې صهیونیستی اشغال د فلسطین پر تاریخی خاوره د تېری ترڅنګ په غزه کې د فلسطینی ملت د ټول وژنې په جنگی جنایت د ډیموگرافیک بدلون هڅه کوی.
د اعلامیې له مخې د بهرنیو چارو وزارت په داسې حال کې چې د فلسطین خاوره د فلسطینی ملت تاریخی مشروع حق بولی، د صهیونستی اشغالګرو له لوری روانه نسل وژنه په سیمه کې د بې ثباتۍ بنیادی عامل ګڼی او په کلکو ټکو یې غندی.
اعلامیه کې افغان حکومت له نړیوالې ټولنې او خصوصا اسلامی هېوادونو غږ کړی، چې د خپل مسوولیت او فلسطینی ملت د آزادۍ او دفاع د حق له مخې د روان ناورین مخنیوی لپاره عاجل اقدامات وکړی.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.
ګهیځ نیوز، د اطلاع رسونې باوری سرچینه
زموږ خبری ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/