الماتا کې د افغانستان او منځنۍ آسیا لپاره د دايمي پرمختګ مرکز جوړیږي

کابل-ګهیځ نیوز(د کب/ حوت ۱۶ مه نېټه)

د ګهیځ نیوز د خبر له مخې قزاقستاني رسنیو راپور ورکړی، چې د ملګرو ملتونو عمومي اسمبلۍ د افغانستان او منځنۍ آسیا د هېوادونو د دايمي پرمختګ لپاره د یو سیمه‌ ییز مرکز د جوړولو پرېکړه کړې.

د سرچینې په وینا، د یاد مرکز د جوړولو پرېکړه‌ لیک د رایو په ډېرښت تصویب شوی او ټاکل شوې چې مرکز به د قزاقستان په الماتا ښار کې پرانیستل شي.

د قزاقستان ولسمشر قاسم جومرت توکایف ویلي، د افغانستان ثبات او سوکالي د منځنۍ آسیا پر امنیت او پرمختګ مستقیم اغېز لري.

د دې مرکز له جوړېدو څخه تمه کیږي، چې د اقتصادي همکاریو پراخولو ته زمینه برابره، د سیمې ثبات ته لاسرسی اسانه او د پرمختیایي پروژو همغږي پیاوړې کړي.

د دې مرکز جوړېدل کولی شي د افغانستان لپاره د بهرنیو فرصتونو دروازې پرانیزي، چې د بشري مرستو، زېربنایي پروژو او اقتصادي همکاریو په برخه کې به مهم رول ولوبوي.

ــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.

ګهیځ نیوز، د اطلاع رسونې باوري سرچینه

زموږ خبري ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/