گهیځ
کابل-ګهیځ نیوز(د سلواغې / دلو ۹ مه نېټه)
د نړیوالو رسنیو د راپورونو له مخې د بلاروس د ټاکنو مرکزي کمیسیون اعلان کړی چې الکساندر لوکاشینکو د ۸۱ سلنه رایو په ترلاسه کولو سره بریا خپله کړې او په دې توګه یې د خپلې ۳۱ کلنې واکمنۍ موده نوره هم وغځوله. د روسیې ولسمشر ولادیمیر پوتین، د دې بریا په مناسبت لوکاشینکو ته مبارکي ویلې، خو د لویدیځ ډېری رسنۍ او سیاسي څارونکي دغو ټاکنو ته د مشروعیت په سترګه نه ګوري.
ایګور کارپنکو، چې د بلاروس د ټاکنو د مرکزي کمیسیون مشري کوي، د دوشنبې په سهار په یوې خبري غونډه کې وویل چې لوکاشینکو د ۸۶.۸ سلنه رایو په ترلاسه کولو سره د ولسمشر په توګه بیا ټاکل شوی دی.
بلخوا د اروپایي اتحادیې او امریکا دغه ټاکنې “نامشروع” بللې او ویلې یې دي چې دا پروسه نه آزادانه وه او نه عادلانه.
همدا راز د پولنډ د بهرنیو چارو وزیر، رادوسلاو سیکورسکي، په طنز سره ویلي چې د لوکاشینکو لپاره حیرانوونکی دی چې یوازې ۸۷.۶ سلنه خلکو د هغه ملاتړ کړی دی. هغه په خپل پوسټ کې پوښتنه کړې: “ایا پاتې خلک به په زندانونو کې ځایېدلای شي؟”
په همدې حال کې، نړیوالې رسنۍ راپور ورکوي چې لوکاشینکو د پایلو د اعلان وروسته په یوه اوږده خبري کنفرانس کې د اعتراضونو او انتقادونو په وړاندې بېپروا پاتې شو او ویې ویل چې د لویدیځ نظر ورته هېڅ ارزښت نه لري.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/