گهیځ
د کرېکټ نړيوالې شورا په متحده عربي اماراتو کې د شورا د غړو په سلا مشوره د راتلونکو لسو کلونو لپاره د کرېکټ نړيوالو جامونو وخت او کوربه هېوادونه اعلان کړي دي، چې له مخې به یې امریکا او نميبيا په لومړي ځل د کرېکټ نړيوال جام کوربتوب کوي.
د راتلونکي ۲۰۲۴میلادي کال د نارينه وو شل اوريز جام به د امریکا او وېسټ انډيز په ګډ کوربتوب ترسره کېږي.
له دې اته مياشتې وروسته د ۲۰۲۵ په فبرورۍ مياشت کې به پاکستان د چمپينز ټرافۍ کوربه وي. دا به له ۱۹۹۶ کال راهيسې په پاکستان کې د کرېکټ لوی نړيوال ټورنمېټ وي.
له دې یوازې اته مياشتې وروسته د ۲۰۲۵ کال په فبرورۍ مياشت کې به پاکستان د چمپينز ټرافۍ کوربه وي.
دا له ۱۹۹۶ کال راهيسې په پاکستان کې د کرېکټ لوی نړيوال ټورنمېټ دی.
ټاکل شوې په ۲۰۲۶ کال په هند او سرېلانکا کې د کرېکټ شل اوريزې نړيوالې سيالۍ وشي.
د ۲۰۲۷ کال اکټوبر یا نوامبر مياشت کې به نميبيا په لومړي ځل د زمبابوۍ او سویلي افريقا سره په ګډه د کرېکټ نړيوال جام کوربه وي.
په ۲۰۲۸ کال په اکتوبر مياشت کې به د شل اوريز نړيوال جام په استراليا او نيوزيلنډ کې وشي او يو کال وروسته به بیا هند د جمپينز ټرافۍ کوربه وي.
په ۲۰۳۰ کال کې به انګلنډ د ايرلنډ او سکاټلنډ سره يو ځای د شل اوريز نړيوال جام کوربتوب وکړي. دا به له ۱۹۹۹ کال راهيسې لومړی ځل وي چې ايرلنډ او سکاټلنډ د کرېکټ د يوې سترې نړيوالې سيالۍ کوربه شي.
د کرېکټ ۲۰۳۱ نړيوال جام به په اکتوبر یا نوامبر مياشت په هند او بنګله دېش کې ترسره شي.