گهیځ
کابل-ګهیځ نیوز( د دلو/ سلواغه ۲۱ مه نېټه):
د ګهیځ نیوز د خبر له مخې د امریکا د بهرنیو چارو وزارت ویاند متیو مېلر ویلي، چې ټاکنیز تاوتریخوالی، د بشري حقونو پر وضعیت لګول شوي بندیزونه، بنسټیزې خپلواکۍ او د ټاکنو په بهیر کې پر انټرنېټ او ټیلیفوني اړیکو بندیزونه هغه څه دي، چې دوی یې غندنه کوي.
امریکا داسې مهال دغه غبرګون ښودلی، چې پرون د ملاکنډ په شانګله کې د تحریک انصاف ګوند پلویانو په ټاکنو کې د درغلیو پر ضد لاریون وکړ او وروسته له پولیسو سره په اخ و ډب کې لږ تر لږه درې کسان ووژل شول او ۱۲ نور یې ټپیان شول.
بلخوا د بربریتانیا د بهرنیو چارو وزیر ویلي، چې د پاکستان په ټاکنو کې د عدالت د ټینګښت او عمومیت په اړه اندېښنې ډېرې دي.
د بریتانیا د بهرنیو چارو وزیر ډیویډ کامرون ویلي، لا هم نه پوهیږي چې په پاکستان کې ترسره شوې ټاکنې څومره عادلانه او سرتاسري وې؟
د لومړنيو غير رسمي پايلو له مخې د قومي اسمبلۍ له ۲۶۶ څوکيو خپلواکو نوماندانو چې ګڼ شمېر یې د تحريک انصاف ملاتړي دي، مخکې دي.
ــــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/