امریکا د پاکستان په ټاکنو کې د لاسوهنې ادعاوو په اړه اندېښنه ښودلې

کابل-ګهیځ نیوز( د دلو/ سلواغه ۲۱ مه نېټه):

د ګهیځ نیوز د خبر له مخې د امریکا د بهرنیو چارو وزارت ویاند متیو مېلر ویلی، چې ټاکنیز تاوتریخوالی، د بشری حقونو پر وضعیت لګول شوی بندیزونه، بنسټیزې خپلواکۍ او د ټاکنو په بهیر کې پر انټرنېټ او ټیلیفونی اړیکو بندیزونه هغه څه دی، چې دوی یې غندنه کوی.

امریکا داسې مهال دغه غبرګون ښودلی، چې پرون د ملاکنډ په شانګله کې د تحریک انصاف ګوند پلویانو په ټاکنو کې د درغلیو پر ضد لاریون وکړ او وروسته له پولیسو سره په اخ و ډب کې لږ تر لږه درې کسان ووژل شول او ۱۲ نور یې ټپیان شول.

بلخوا د بربریتانیا د بهرنیو چارو وزیر ویلی، چې د پاکستان په ټاکنو کې د عدالت د ټینګښت او عمومیت په اړه اندېښنې ډېرې دی.

د بریتانیا د بهرنیو چارو وزیر ډیویډ کامرون ویلی، لا هم نه پوهیږی چې په پاکستان کې ترسره شوې ټاکنې څومره عادلانه او سرتاسری وې؟

د لومړنیو غیر رسمی پایلو له مخې د قومی اسمبلۍ له ۲۶۶ څوکیو خپلواکو نوماندانو چې ګڼ شمېر یې د تحریک انصاف ملاتړی دی، مخکې دی.

ــــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.

ګهیځ نیوز، د اطلاع رسونې باوری سرچینه

زموږ خبری ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/