گهیځ
کابل-ګهیځ نیوز( د جدي ۴مه نېټه):
د ګهیځ نیوز د خبر له مخې د ملګرو ملتونو سازمان د بشري مرستو د همغږۍ ادارې (اوچا) مرستیال محمد خاطر زید، پېښو ته د رسېدو په چارو کې د دولت وزارت له سرپرست سره لیدنه ترسره کړې ده.
د خبر پر بنسټ په دې لیدنه کې نوموړي ویلي، چې اوچا به په خپل ژمني پلان کې افغانستان کې له ۱۶ میلیون وګړو سره بشري مرستې ترسره کړي.
پېښو ته د رسېدو په چارو کې د دولت وزارت د مسوولینو په وینا دغو مرستو کې خوراکي توکي، ژمنۍ جامې، کمبلې، د سونګ توکي او روغتیايي مرستې شاملې دي.
اوچا په داسې مهال د ژمي په رارسېدو سره افغانانو ته د مرستې رسولو ژمنه کوي، چې هېواد کې د هوا په سړېدو سره د ډېری بې وزلو خلکو ژوند سخت شوی دی.
ــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/