گهیځ
ګهیځ: نن یکشنبه (د کب لومړۍ نېټه) د راپورونو له مخې د ایران د بهرنیو چارو وزیر امیر عبدالهیان د ملګرو ملتونو له عمومی منشی انتونیو ګوتریش سره په افغانستان کې پر روان وضعیت او نورو اړوند مسایلو خبرې کړې دی.
راپورونه وایی چې ایرانی لوری په دې لیدنه کې له افغانستان د کډوالو د څپې په اړه اندېښنه ښوودلې او له ملګرو ملتونو یې غوښتی چې په دې برخه کې همکاری ورسره وکړی.
دوی همدا راز افغانستان ته د بشردوستانه مرستو د رسولو او دلته د یوه ټولګډونه حکومت پر جوړېدو هم ټینګار کړی دی.
ملګرو ملتونو ویلی دا اړینه ده چې له افغانستان سره بشردوستانه مرستې ډېرې شی، د نشه یی توکو د کاروبار مخنیوی وشی او له دغه هېواد د کډوالۍ کچه راټیټه شی.
