گهیځ
کابل-ګهیځ نیوز(د سلواغې / دلو ۲۱ مه نېټه)
د ګهیځ نیوز د خبر له مخې د ایران او ترکیې د بهرنیو چارو وزیرانو په ټیلیفونی خبرو کې د فلسطینیانو د جبری کوچېدلو پر ضد د اسلامی همکاریو سازمان د بېړنۍ غونډې رابللو غوښتنه کړې.
د ایران د بهرنیو چارو وزیر عباس عراقچی له خپل ترکی سیال هاکان فیدان سره په ټیلیفونی خبرو کې د فلسطین خلکو د جبری کوچېدلو په اړه د ټرمپ د طرحې ته په اشاره ویلی، دا اقدام نسل وژنې ته دوام ورکوی.
عراقچی د اسلامی هېوادونو پر واحد دریځ ټینګار کړی او له اسلامی همکاریو سازمان څخه یې د بېړنۍ غونډې د رابللو غوښتنه کړې.
د ترکیې د بهرنیو چارو وزیر هاکان فیدان هم د فلسطین د خلکو له حقونو د اسلامی نړۍ د دایمی ملاتړ یادونه کړې او د ایران له وړاندیز سره یې ملاتړ څرګند کړی دی.
ایران او ترکیه د غزې د اوسېدونکو د جبری کوچېدلو پر ضد اسلامی هېوادونو ته د ګډ عمل غږ کړی، څو د فلسطین قضیه د نړیوالو پام ځان ته راواړوی.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.
ګهیځ نیوز، د اطلاع رسونې باوری سرچینه
زموږ خبری ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/