گهیځ
کابل-ګهیځ نیوز(د مرغومی / جدی ۱۲ مه نېټه)
د ګهیځ نیوز د خبر له مخې پاکستانی رسنیو د دغه هېواد د کورنیو چارو وزارت له قوله راپور ورکړی، چې ایران د څه باندې ۱۰ زره پاکستانی اتباعو پاسپورټونه بلاک کړی دی.
د دُنیا په نوم پاکستانۍ ورځپاڼې لیکلی، چې د ایران چارواکو یاد پاسپورټونه د قاچاق، غیر قانونی استوګنې، افراطیت او نشه یی توکو کارونې په تور د ۵ او ۷ کلونو لپاره بند کړی دی.
د خبر پر بنسټ د بلاک شویو پاسپورټونو شمېره ۱۰ زره ۵۰ ته رسیږی، چې د پاکستانی اتباعو لپاره جدی ستونزې رامنځته کړې دی.
پاکستانی چارواکو د دې موضوع په تړاو د وضعیت د ارزونې لپاره هلې – ځلې پیل کړی، څو د ایران له لوری د یادو اقداماتو علتونه وڅېړی او د ستونزې د هواری لپاره حل لارې ومومی.
د ایران او پاکستان ترمنځ د غیر قانونی سرحدی فعالیتونو موضوع تل د دواړو هېوادونو د اړیکو پر تګلاره سیوری غوړولی او دې وروستیو پېښو په دې برخه کې لا زیاتې ستونزې راپورته کړې دی.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.
ګهیځ نیوز، د اطلاع رسونې باوری سرچینه
زموږ خبری ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/