گهیځ
ا.ا د نجونو د ښوونځیو د پرانستو خپره شوې خبرتیا رد کړه
ګهیځ نیوز: نن چهارشنبه (د چنګاښ یا سرطان ۲۲مه او د جولای میاشتې ۱۳مه نېټه ده) د پوهنې وزارت هغه اوازې ردوی چې ګنې دغه وزارت سبا (پنجشنبه) په یوه خبری ناسته کې د نجونو د ښوونځیو د پرانیستلو اعلان کوی.
د پوهنې وزارت ویلی، چې دا ډول اوازې د خلکو د ذهنونو د مغشوشولو لپاره خپرېږی.
وزارت په عین حال کې ویلی، چې د دوی امارت د هېواد د ټولو اتباعو لپاره د متوازنو ښوونیزو خدماتو د وړاندې کولو او د ښوونیز نظام د پیاوړتیا پر وړاندې پر خپلو ټولو ژمنو ولاړ دی.
