گهیځ
کابل-ګهیځ نیوز(د مرغومي / جدی ۳۰ مه نېټه)
د ګهیځ نیوز د خبر له مخې د بامیانو ولایت ځایي چارواکو خبر ورکړی، چې په دغه ولایت کې د درنې واورې اورېدو له امله د کابل – بامیان لویه لار او د بامیان – غور او بامیان – دایکندي لارې د تګ – راتګ پرمخ تړل شوې دي.
ځایي مسوولینو زیاته کړې، چې د غور پر لار شاتو کوتل او له دایکندي سره پر پوله قوناق کوتل هم د واورې اورېدو له امله بند شوي دي.
تر دې وړاندې په دایکندي کې د والي رسنیز دفتر هم په یوې خبرپاڼې کې ویلي وو، چې د درنې واورې اورېدو له امله د بامیان – دایکندي لار په قوناق کوتل کې د تګ – راتګ پرمخ بنده شوې ده.
د یادولو وړ ده، چې نن هم د هېواد په ۲۹ ولایتونو کې د درنو اورښتونو وړاندوینه شوې ده.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/