گهیځ
کابل-ګهیځ نیوز(د لیندۍ / قوس ۳ مه نېټه)
د ګهیځ نیوز د خبر له مخې د بدخشان چاپېریال ساتنې ریاست ویلي، چې دغه ولایت کې د وحشي ژویو او الوتونکو ښکار په بشپړ ډول منع شو.
د دغه ریاست مسوولین وایي، له سرغړونکو سره به جدي او قانوني چلن وکړي.
بدخشان کې کمیابه وحشي ژویو په ځانګړي ډول مارکو پولو هوسیو او واورینو پړانګانو ته تل د بهرنیو سېلانیانو پام ور اوښتی.
د دغه ولایت ځینې اوسېدونکي د چاپېریال ساتنې ادارې له دې پرېکړې د ملاتړ ترڅنګ ویلي، دغه برخه کې به له مسوولینو سره همکاري وکړي.
په دې وروستیو کې د بدخشان د شکی ولسوالۍ اوسېدونکو قهوه يي خرس ښکار کړی و او له جسد سره یې یادګاري انځورونه اخیستي وو، چې سیمه ییز مسوولین وايي، په دې تړاو یې دوه تنه نیولي دي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/