گهیځ
کابل-ګهیځ نیوز(د لړم / عقرب ۲۹ مه نېټه)
د ګهیځ نیوز د خبر له مخې په جرمنی کې د افغانستان سفیر یما یاری او په بُن کې جنرال کونسل سید لطفالله سادات له خپلو دندو استعفاوې کړی.
یما یاری په یوه رسمی بیان کې ویلی، چې د اصولو لمخې د افغانستان د اسلامی جمهوریت د سفیر په توګه له خپلې دندې لاس اخلی او اداری چارې به خپلو همکارانو ته وسپاری.
په همدې ډول، سید لطفالله سادات هم ویلی، چې د کوربه هېواد په غوښتنه او د کونسلی فعالیتونو د دوام لپاره یې دا پرېکړه کړې ده.
د جرمنی یوه پخوانی افغان ډیپلومات، چې لا هم له اوسنیو ډیپلوماتانو سره اړیکې لری، ویلی چې د جرمنی د بهرنیو چارو وزارت له دواړو ډیپلوماتانو څخه د استعفاء غوښتنه کړې وه.
وروسته له هغه چې اوسنی حکومت د افغانستان د لسو ډیپلوماتیکو استازولیو چارې بېاعتباره اعلان کړې، په څو هېوادونو کې د افغانستان استازولۍ د کوربه هېوادونو د غوښتنې پر بنسټ تړل شوې دی.
د دې مسایلو په اړه لا د جرمنی او اوسنی افغان حکومتونو رسمی دریځ نه دی څرګند کړی.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.
ګهیځ نیوز، د اطلاع رسونې باوری سرچینه
زموږ خبری ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/