گهیځ
کابل-ګهیځ نیوز(د کب/ حوت ۲۳ مه نېټه)
د ګهیځ نیوز د خبر له مخې د بلوچستان په سبي سیمه کې د جعفر اېکسپرېس اورګاډي پر مسافرو تر وسلوال برید او پوځي عملیاتو وروسته له ۲۰۰ ډېر تابوتونه بولان ته لېږل شوي دي.
د دغې پېښې د مرګ – ژوبلې دقیقې شمېرې تر اوسه روښانه شوي نه دي، خو بي بي سي اردو ته یوې سرچینې ویلي، ۹۰ خالي تابوتونه سټېشن ته راوړل شوي او ۱۳۰ نورو ته هم اړتیا وه.
د بلوڅ بېلتون غوښتونکو غورځنګ د کوټې – پېښور جعفر اېکسپرېس پر اورګاډي چې شاوخوا ۴۰۰ مسافر په کې سپاره وو، برید وکړ او په سلګونو کسان چې ویل کیږي د پوځ او استخباراتي ادارې کارکوونکي وو، له ځانه سره برمته کړل.
حکومت په سبي روغتون کې بېړنی حالت اعلان کړی او امبولانسونه د پېښې ځای ته استول شوي دي، خو د سیمې خراب امنیتي وضعیت او د مخابراتي شبکو نشتون له امله د پېښې له ځایه دقیق معلومات نه دي په ډاګه شوي.
د دې پېښې په تړاو د پاکستان حکومت او بلوچ بیلتون غوښتونکو ترمنځ ضد او نقیض ادعاوې روانې دي، خو خپلواکو سرچینو لا تر اوسه د دواړو خواوو څرګندونې نه دي تایید کړي.
دغه پېښه وړمه ورځ د ګوډالر او پیرو کنري ترمنځ سیمه کې له غرمې وروسته ۱:۳۰ بجې ترسره شو.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/