گهیځ
کابل-ګهیځ نیوز(د مرغومي / جدی ۱۶ مه نېټه)
د ګهیځ نیوز د خبر له مخې پاکستاني رسنیو راپور ورکړی، چې د بلوچستان په تربت کې د پاکستاني ځواکونو پر موټر چاودنه کې ۶۱ کسانو ته مرګ – ژوبله اوښتې ده.
د خبر پر بنسټ په دې چاودنه کې ۵ کسان وژل شوي او په ټولییزه توګه ۵۶ کسان ټپیان دي.
د مسوولینو په وینا ټپيانو کې د پنځو کسانو وضعیت د اندېښنې وړ دی.
دا چاودنه تېره ورځ ناوخته د بلوچستان د تربت اړوند نیو بهمن سیمه کې د سړک پر غاړه د پاکستاني ځواکونو پر یوه کاروان شوې ده.
د بلوڅو بېلتون پالې ډلې د دغه برید مسوولیت منلی او زیاته کړې یې ده، چې د دوی یوه غړي ځانمرګی برید کړی دی.
له برید وروسته په نظامي موټر کې اور لګېدلی دی.
تر دې وړاندې د پاکستان جیو نیوز بیا په دغه چاودنه کې د څلورو تنو د وژل کېدو او د ۳۲ نورو د ټپي کېدو خبر ورکړی و.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/