گهیځ
کابل-ګهیځ نیوز(د سلواغې / دلو ۲۸ مه نېټه)
د ګهیځ نیوز د خبر له مخې د بهرنیو چارو وزارت د کونسلی خدمتونو ریاست له خپلو مراجعینو غوښتی، چې د وخت د ضایع مخنیوی او خدمتونو ته د اسانتیاوو رامنځته کولو په موخه بهر کې د دغه وزارت د سیاسی او کونسلی استازولیو له لوری صادر شوی او تصدیق شوی ټول سندونه د افغان پوسټ دولتی شرکت له لارې دغه وزارت ته واستوی.
بهرنیو چارو وزارت په یوه تازه خپره شوې خبرپاڼه کې ویلی، چې دغه نوی میکانیزم به د راتلونکې کب میاشتې له لومړۍ نېټې څخه عملی کیږی او له دې وروسته به مراجعین خپل رسمی اسناد د افغان پوسټ له لارې ولېږی.
خبرپاڼه زیاتوی، مراجعین کولی شی خپل د عدم مسوولیت جرمی سندونه د کابل ښار د مرکزی پوسته خانې او مکروریانو، آریا ښارګوټی، قصبې، خیرخانې او قلعه فتح الله کې د افغان پوسټ د استازولیو له لارې پروسېس کړی.
د بهرنیو چارو وزارت ویلی، دغه اقدام د کونسلی خدمتونو د چټکتیا، اسانتیا او د خدماتو د لا شفافیت لپاره کړی، څو مراجعین له بې ځایه سرګردانۍ او د وخت له ضایع کېدو خوندی شی.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.
ګهیځ نیوز، د اطلاع رسونې باوری سرچینه
زموږ خبری ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/