گهیځ
ګهیځ: نن پنجشنبه (د لیندۍ ۱۱مه) د صنعت او سوداګرۍ وزارت وایی په روان کال کې یې تر اوسه د ۹۳۰ میلیونه ډالرو په ارزښت افغان توکی بهر ته لېږدولی دی.
د اسلامی امارت ویاند انعام الله سمګانی پر خپل ټویټر د صنعت او سوداګرۍ وزارت سرپرست حاجی نورالدین عزیزی له قوله لیکلی، چې د روان کال تر لړم میاشتې پورې یې د ۹۳۰ میلیونه امریکایی ډالرو په ارزښت توکی صادر کړی دی.
د عزیزی په خبره دا صاردات به د روان کال تر پایه له یو میلیارد ډالرو هم لوړ شی.
د صنعت او سوداګرۍ وزارت د رسمی راپور پر بنسټ افغانستان په تېر ۱۳۹۹ لمریز کال کې یوازې د ۷۷۷ میلیونه ډالرو په ارزښت توکی صادر کړی وو.