گهیځ
ګهیځ نیوز: نن دوشنبه (د غبرګولي یا جوزا ۲۳مه او د جون میاشتې ۱۳مه نېټه ده) د افغانستان ا.ا وایي چې روسي او ترکي پانګه وال د انرژي د تولید برخه کې پانګونې ته لیوالتیا ښودلې ده.
د ترکیې هیواد د Emin Electricity شرکت استازي د اوبو او انرژي وزارت د انرژي له مرستیال مولوي عارف الله عارف سره په لیدنه کې افغانستان کې د انرژي د تولید په برخه کې پانګونې ته لېوالتیا ښودلې ده.
ترکي شرکت د اوبو او انرژي وزارت څخه یې په دې برخه کې د زمینې برابرولو او مرستې غوښتنه کړې ده.
د اوبو او انرژي وزارت او برېښنا شرکت یادو استازو ته د هر ډول مرستې او زمینې برابرولو ډاډ ورکړی دی.
د روسي او ترکي شرکتونو استازو ویلي چې ډېر ژر به خپل تخنیکي انجینران له مشخصو وړاندیزونو سره افغانستان ته راولېږي.
