گهیځ
کابل-ګهیځ نیوز(د لیندۍ / قوس ۱۰ مه نېټه)
د ګهیځ نیوز د خبر له مخې د سوریې د بشري حقونو څارونکي راپور ورکړی، چې د تحریر الشام جـ ـهادي ډلې ځواکونو د سوریې په شمال کې د خپلو پرمختګونو په لړ کې د حلب ښار نیمایي برخه تر خپل کنټرول لاندې راوستې.
د راپور پر بنسټ، د تېرې جمعې په ورځ د تـ ـحریر الشام او د بشار الاسد رژیم ځواکونو ترمنځ سختې نښتې شوۍ، چې په پایله کې یې د رژیم ۵۹ عسکرو ژوند بایللی دی.
وروستیو پرمختګونو کې د تحریر الشام ځواکونو د یوه ستراتیژیک زندان ماتولو ترڅنګ د حلب ښار هوایي ډګر او ښار ته غځېدلې ټولې لارې تړلې دي.
د سوریې د بشري حقونو څارونکو ویلي، تـ ـحریر الشام جـ ـهادي ډلې د حلب ښار څو مهمې ستراتیژیکې سیمې نیولې دي.
د اسد رژیم مخالفان چې د “ردع العدوان” په نوم عملیات ترسره کوي، تر دې دمه د رژیم پر وړاندې د خپلو پرمختګونو ادعا کوي.
د تـ.ـحریر الشام په مشرۍ د جـ ـهادي ډلو ګډ نظامي عملیات د تېرې چهارشنبې په ورځ د بشار الاسد د رژیم پر وړاندې پیل شوي، چې لا هم دوام لري.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/