گهیځ
کابل-ګهیځ نیوز(د سلواغې / دلو ۲۰ مه نېټه)
د ګهیځ نیوز د خبر له مخې د ننګرهار کرنې، اوبو لګولو او مالدارۍ ریاست ویلي، چې د تورخم قرنطین وترنر ډاکترانو له لوري پاکستان څخه ۲۵۰۰ قطعې پیرسټاک یا زیات عمر لرونکي چرګان د کرنې ریاست مامورینو له لورې تر نیول کېدو وروسته بېرته پاکستان ته مسترد شول.
د ننګرهار کرنې، اوبو لګولو او مالدارۍ رییس مولوي محمد ولي محسن ویلي، تر ارزونې وروسته په تورخم کې د دوی کارکوونکو له لورې ترنیول کېدو وروسته بېرته ولېږل شول.
د محسن په وینا د کرنې وزارت د کړنلارې مطابق او ننګرهار کې د چرګانو د سکتور د پیاوړتیا لپاره یې د نورو هېوادونو څخه د چرګانو انتقال بند کړی او همدارنګه دا چرګان چې عمرونه یې ډېر دي، انسانانو ته ترې د مختلفو ناروغیو د انتقال سبب ګرځي.
تر دې وړاندې هم د ننګرهار کرنې ریاست د تورخم قرنطین کارکوونکو په ټنونو خراب ممپلي، جوار او سویابین بېرته پاکستان ته مسترد کړي دي.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/