گهیځ
کابل-ګهیځ نیوز(د مرغومي / جدی ۱۲ مه نېټه)
د ګهیځ نیوز د خبر له مخې د خوړو نړیوال پروګرام یا WFP د افغانستان لپاره د جنوبي کوریا د ۵ میلیونه ډالرو مرستې خبر ورکړی.
یاد پروګرام په یوه خپره شوې اعلامیه کې ویلي، چې دغه مرسته به د هغو بېوزلو کورنیو د اړتیاوو پوره کولو لپاره ځانګړې شي، کومې چې د راتلونکي ژمي لپاره د خواړو ترلاسه کولو ډاډ نه لري.
د دوی په وینا د دې مرستې په چوکاټ کې به د میندو د ملاتړ لپاره مقوي غذاوې، د لومړنیو ښوونځیو ماشومانو لپاره خواړه او نور اړین بشري خدمات وړاندې شي.
د خوړو نړیوال پروګرام د جنوبي کوریا له دې مرستې قدرداني کړی او ویلي یې دي، چې دا مرسته به د خوراکي اړتیاوو له امله د سختو ستونزو سره مخ افغانانو ته یو څه د هوساینې فرصت برابر کړي.
د بشري مرستو اړوند دغو مسوولینو په نړیوالې ټولنې هم غږ کړی، چې د افغانستان له بېوزلو کورنیو سره د مرستو بهیر جاري وساتي، څو د سختو اقتصادي شرایطو اغېزونه پرې راکم شي.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/