گهیځ
کابل-ګهیځ نیوز(د کب / حوت ۶ نېټه)
د ګهیځ نیوز د خبر له مخې د حـ ـماس جـ ـهادي غـ ـورځنګ د اسراییلو لومړي وزیر بنیامین نتانیاهو وروستۍ پرېکړې ته توند غبرګون ښودلی، چې له مخې یې د فلسطیني بندیانو خوشي کېدل ځنډولي دي.
حماس دا پرېکړه د اوربند د تړون د ګډوډولو هڅه او ښکاره سرغړونه بللې ده.
الجزیرې ټلوېزیون د حـ ـماس اعلامیه خپره کړې، چې په کې ویل شوي، نېواکګر اسراییل د فلسطیني بندیانو د خوشې کېدو ځنډول د شوې هوکړې څخه تېښته ده او دا یو قصدي عمل دی، چې د فلسطین د مقاومت اراده نه شي کمزورې کولی.
حماس د اسراییلي لوري هغه ادعاوې چې ګواکې د بندیانو د تبادلې پر مهال سپکاوی کیږي، بېبنسټه او له حقیقته لرې بللې ده.
اعلامیې زیاته کړې، دا ډول ناسمې ادعاوې یوازې کمزورې پلمې دي، چې د تړون له ژمنو تېښته په کې پټه ده.
حماس پر منځګړو هېوادونو او نړیوالې ټولنې غږ کړی، چې پر اسراییل فشار راوړي، څو له هر ډول ځنډ پرته د اوربند له مخې فلسطیني بندیان خوشې کړي.
دا په داسې حال کې ده، چې د غزې د اوربند په لومړي پړاو کې حماس د ۷مې تبادلې پر مهال ۶ اسراییلي بندیان سره صلیب ته وسپارل، خو د نتانیاهو دفتر د شاوخوا ۶۰۰ فلسطیني بندیانو خوشي کول د بې بنسټه ادعاوو له امله تر نامعلوم وخت پورې وځنډول.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/