گهیځ
ګهیځ نیوز: نن سې شنبه (د زمري/اسد ۲۵مه او د اګسټ میاشتې ۱۶مه نېټه ده) د دفاع وزارت سرپرست وزیر مولوي محمد یعقوب وايي، چې واخان د افغانستان سر دی او څو چې ا.ا واکمن وي، افغانستان به خوندي وي.
هغه دا خبرې د ا.ا د بیا واکمېدو لومړۍ کالیزې په غونډه کې کړې دي.
محمد یعقوب پرته له دې چې د کوم چا یا ډلې نوم واخلي وویل، په هېواد کې په یوه او بل نوم را پورته کېدونکی بغاوت به وځپي.
نوموړي د ا.ا پر چارواکو غږ وکړ چې خپل مسوولیتونه په سمه توګه ادا کړي او په وینا یې، د خپل ځان قاضي واوسي.
د دفاع وزارت سرپرست همداراز وویل چې افغانستان کې د تېرو کلونو په پرتله امنیت ټينګ شوی او له بهرنیو موسسو یې غوښتنه وکړه چې افغانستان کې پانګونه وکړي.