گهیځ
ګهیځ نیوز: نن سې شنبه (د زمری/اسد ۲۵مه او د اګسټ میاشتې ۱۶مه نېټه ده) د دفاع وزارت سرپرست وزیر مولوی محمد یعقوب وایی، چې واخان د افغانستان سر دی او څو چې ا.ا واکمن وی، افغانستان به خوندی وی.
هغه دا خبرې د ا.ا د بیا واکمېدو لومړۍ کالیزې په غونډه کې کړې دی.
محمد یعقوب پرته له دې چې د کوم چا یا ډلې نوم واخلی وویل، په هېواد کې په یوه او بل نوم را پورته کېدونکی بغاوت به وځپی.
نوموړی د ا.ا پر چارواکو غږ وکړ چې خپل مسوولیتونه په سمه توګه ادا کړی او په وینا یې، د خپل ځان قاضی واوسی.
د دفاع وزارت سرپرست همداراز وویل چې افغانستان کې د تېرو کلونو په پرتله امنیت ټینګ شوی او له بهرنیو موسسو یې غوښتنه وکړه چې افغانستان کې پانګونه وکړی.