گهیځ
کابل-ګهیځ نیوز(د لړم / عقرب ۱۲ مه نېټه)
د ګهیځ نیوز د خبر له مخې چین کې د افغان حکومت سفارت خبر ورکړی، د چین جیانګسو ولایت نانټونګ ښار څخه افغانستان ته د باروړونکي رېل تګ – راتګ پیل شو.
بیجینګ کې د افغان سفیر دې مراسمو کې ویلي، افغان حکومت غواړي ګاونډیو هېوادونو سره په اقتصادي لحاظ له بېلابېلو لارو په تلپاتي توګه ونښلول شي.
نوموړي د رېل په وسیله د افغانستان او چین نښلولو یو مثبت ګام او د بهرنۍ نړۍ لپاره د یوې اقتصادي دروازې په توګه ارزښتمند بللی.
نوموړي هیله ښودلې، چې ریل په وسیله دغه اقتصادي اتصال به د چین حکومت د یو کمربند او یوې لارې په نوښت کې یو ځای کېدل او د دواړو هېوادونو ترمنځ د دوه اړخیزو اقتصادي همکاریو پیوستون لا پیاوړی کړي.
په برقي سامان الاتو، رخت او نورو توکو بار دغه ۵۰ کانټینره ریل به شلو ورځو کې له نانتونګ ښار څخه د حیرتان بندر ته ورسیږي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/