د اقتصادي ودې په موخه هېواد کې د کان کیندنې ۳۶ پروژې منظور شوې

کابل-ګهیځ نیوز(د کب/ حوت ۲۳ مه نېټه)

د ګهیځ نیوز د خبر له مخې د افغان حکومت مرستیال ویاند ملا حـ ـمدالله فطرت ويلي، د ریاست‌ الوزراء اقتصادي معاونیت په ۱۴۰۳ کال کې د کان‌ کیندنې ۳۶ پروژې منظورې کړې.

فطرت په خپلې اېکس پاڼې زیاته کړې، له منظور شویو پروژو څخه یې موخه د هېواد کانونو پراختیا او اقتصادي وده ده.

نوموړي زیاته کړې، له منظور شویو پروژو څخه یې ۲۵ پروژې د کوچني مقیاس کانونو پورې تړاو لري، چې د تراورټین، مرمر، نفرایټ، چونې، سرب، جستو، بیوتیت‌ لرونکي ګرانیټ، سرپنټین، ګچ او نورو کانونو د استخراج لپاره په بېلابېلو ولایتونو کې تصویب شوي دي.

فطرت همدا راز ویلي، ۱۱ سترې پروژې د سیمنټو، مالګې، ګازو، ډبرو سکرو، کرومایتو او مرمر ډبرو د استخراج په موخه هم منظورې شوي، چې له مهمو پروژو څخه یې د جوزجان یتیم تاق سیمنټو، د فاریاب او جوزجان د مالګې کانونه، د لوګر د التمور سیمنټو او د هرات کشک او تیرپل د ګازو حوزې دي.

د مرستیال ویاند په خبره دغه پروژې به د هېواد په اقتصادي پرمختګ او کاري فرصتونو په ډېرښت کې د پام وړ ښه والی راولي.

ــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.

ګهیځ نیوز، د اطلاع رسونې باوري سرچینه

زموږ خبري ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/