گهیځ
کابل-ګهیځ نیوز(د مرغومی / جدی ۶ مه نېټه)
د ګهیځ نیوز د خبر له مخې د بهرنیو چارو وزارت ویلی، چې کابل کې یې د پاکستان سفارت شارژدافیر احضار کړ او د پکتیکا ولایت برمل ولسوالۍ کې ډیورند کرښې ته څېرمه د جیټ الوتکو د بمبار په اړه یې ورته خپل شدید احتجاج لیک وسپاره.
د وزارت اعلامیه چې د دې وزارت مرستیال ویاند پر خپلې ایکس پاڼې خپره کړې، د پاکستان پوځ تېری په کې غندل شوی او د پاکستان سفارت ته په ډاګه شوې، چې د پاکستانی پوځ لخوا د افغانستان د حریم نقضول او د ملکیانو شهیدانول د دواړو هېوادونو په اړیکو کې د بې باورۍ د رامنځته کولو هڅه ده.
پاکستان سه شنبه ناوخته د پکتیکا ولایت برمل ولسوالۍ پر څلورو سیمو بمبار وکړ، چې په پایله کې یې ۴۶ کسان چې زیاتره یې ښځې او ماشومان وو، ووژل شول او شپږ تنه نور چې ډېری یې ماشومان دی، ټپیان شوی دی.
دغې تیری په ټولنیزو رسنیو کې پراخ غبرګونونه راوپارول او له پاکستانه د غچ اخیستو غوښتنې مطرح شوې.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.
ګهیځ نیوز، د اطلاع رسونې باوری سرچینه
زموږ خبری ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/