گهیځ
کابل-ګهیځ نیوز(د تلې/ میزان ۲۸ مه نېټه)
د ګهیځ نیوز د خبر له مخې د ترکیې د کارس ښار پولیسو د جعلي پاسپورټ او اقامت کارټونو د کارونې په تور د اووه افغانانو د نیولو خبر ورکړی.
ترکي چارواکو ویلي، دغه کډوال له ترکیې د وېستلو په موخه د توقیف مرکزونو ته لېږل شوي دي.
د نیول شویو افغان کډوالو د هویت په اړه نور جزیات نه دي ورکړل شوي.
د راپورونو له مخې، یاد شمېر کسان د ترکیې په کارس ښار کې د امنیتي ځواکونو په عملیاتو کې تر پېژندلو وروسته نیول شوي دي.
ترکي پولیس وایي، دغه کډوال په غیر قانوني توګه دې هېواد ته راغلي وو او په رسمي اسنادو کې د جعل له امله قانوني برخورد سره مخامخ دي.
د دغه هېواد چارواکو ټینګار کړی، چې امنیتي ځواکونه به په سرحدي سیمو کې د ناقانونه کډوالو د راتګ د مخنیوي په موخه خپلو عملیاتو ته دوام ورکړي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/