گهیځ
کابل-ګهیځ نیوز(د کب/ حوت ۲۱ مه نېټه)
د ګهیځ نیوز د خبر له مخې د تورخم دروازې د پرانیستو په اړه له وړمې ورځې بې پایلو مذاکراتو وروسته د نویو خبرو – اترو لپاره هڅې دوام لری.
د افغانستان د پانګونې او سوداګرۍ خونې لومړی مرستیال یونس مهمند ویلی، د پاکستان له استازو سره په وروستیو ناستو کې کومه هوکړه نه ده شوې، خو اوس هڅه کیږی چې د پاکستان د سوداګرۍ خونې چارواکی افغانستان ته سفر وکړی او خبرې – اترې بیا پیل شی.
یونس مهمند زیاته کړې، د تورخم دروازې تړل کېدو له املن هره ورځ دواړو لورو ته له ۳ میلیونو ډالرو زیات زیان اړوی.
د سرچینو د معلوماتو له مخې مذاکراتو کې پاکستانی لوری درې غوښتنې مطرح کړې، چې افغان پلاوی د خپل حکومت له مشرانو سره شریکې کړی، خو تر اوسه پرېکړه نه ده شوې.
شنونکی باور لری، چې پاکستان له دې لارې پر افغانستان سیاسی فشار واردوی.
د تورخم لار له هغې وروسته وتړل شوه، چې د افغان حکومت سرحدی ځواکونو د ډېورنډ فرضی کرښې دې غاړې ته د تاسیساتو پر جوړولو کار پیل کړ.
په دې ترڅ کې څو وار د دواړو لورو ترمنځ نښتې هم رامنځته شوې.
اوس تمه ده چې د دواړو لورو ترمنځ د نویو مذاکراتو کېدل د دروازې پرانیستو لپاره زمینه برابره کړی
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.
ګهیځ نیوز، د اطلاع رسونې باوری سرچینه
زموږ خبری ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/