گهیځ
کابل-ګهیځ نیوز(د کب / حوت ۷ نېټه)
د ګهیځ نیوز د خبر له مخې تورخم کې د رامنځته شوې ستونزې حل او د لارې خلاصون په اړه ټاکل شوې چې نن له کابله یو لوړپوړی پلاوی دغې سیمې ته سفر وکړي.
یاد پلاوی به له پاکستاني لوري سره پر رامنځته شویو ستونزو مستقیمې خبرې وکړي.
تر دې یو ورځ وړاندې هم د ننګرهار مرستیال والي مولوي عزیزالله مصطفی په مشرۍ پاکستاني لوري سره ناسته وشوه، خو بې پایلې پای ته رسېدلې وه.
د تورخم کمیسار ملا عبدالجبار حکمت ویلي، دوی هڅه کوي چې د خبرو له لارې مسألې هوارې کړي او پاکستانی لوری هم باید د ولسونو د ستونزو په پام کې نیولو سره له بې ځایه خنډونو جوړولو ډډه وکړي.
پاکستان له افغانستان څخه غواړي، چې د ډیورند فرضي کرښې ترڅنګ نوي تأسیسات جوړ نه کړي او هم مهاله باید افغان حکومت د پاکستان لخوا د تأسیساتو جوړېدو مخنیوی ونه کړي، هغه غوښتنه چې د افغانستان لخوا رد شوې او د همدې پرېکړې په غبرګون کې پاکستان د تورخم دروازې له پرانیستلو ډډه کړې.
د پاکستان دغه اقدام له امله د کرښې دواړو غاړو ته سلګونه موټرې بند پاتي او عام خلک له سختو ستونزو سره مخ دي.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/