د تېر زېږدیز کال په اوږدو کې هره میاشت ماینونو ۶۰ تنو ته مرګ – ژوبله اړولې

ابل-ګهیځ نیوز(د مرغومي / جدی ۱۶ مه نېټه)

د ګهیځ نیوز د خبر له مخې افغانستان کې د ماین پاکۍ ادارې ویلي، په ۲۰۲۴زېږدیز کال کې هره میاشت د ماینونو او ناچاوده مهماتو چاودنو له امله شاوخوا ۶۰ کسانو ته مرګ – ژوبله اوښتې.

اټکل کیږي چې په ۲۰۲۵م کال کې به هم دا ستونزه دوام ولري او ښایي د قربانیانو شمېر لا نور زیات شي.

بل لور د ملګرو ملتونو د بشري چارو د همغږۍ ادارې (OCHA) ویلي، افغانستان کې لاهم ۱.۲ میلیونه مترمربع ساحه د ماینونو له خطر سره مخ ده، چې ډېری قربانیان یې ماشومان دي.

د دغو چاودېدونکو توکو له امله د ۲۰۲۲زېږدیز کال له جنورۍ څخه تر ۲۰۲۴ کال فبرورۍ پورې ۱۴۰۱ کسانو ته مرګ – ژوبله اوښتې ده.

دا په داسې حال کې ده چې د ماین پاکۍ ځینو موسسو د تمویل د نشتوالي له امله خپل فعالیتونه افغانستان کې بند کړي دي

ـــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.

ګهیځ نیوز، د اطلاع رسونې باوري سرچینه

زموږ خبري ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/