گهیځ
شنبه، د لړم ۲۱مه
کابل/ګهیځ: د یمن سوېلي انتقالي شورا خبر ورکړی، چې د دغه هېواد په سوېل کې د حوثي وسله والو په برید کې ۹ ولسي او دولتي کسان وژل شوي دي.
د اناتولیا خبري اژانس د رپوټ له مخې، دغې شورا په یوه خبرپاڼه کې ویلي، چې حوثي سله والو تېره شپه د یمن په سوېلي ولایت لحج کې د کرش شمالي سیمه راکټي بریدونه کړي.
د خبرپاڼې په وینا په دې بریدونو کې ۵ ولسي وګړي او ۴ تنه نور دولتي پوځیان وژل شوي دي.
حوثیانو تر اوسه په دې اړه څه نه دي ویلي.
د یادولو وړ ده چې د ۲۰۱۴ زېږدیز کال له سپټمبر راهیسې د ایران تر ملاتړ لاندې حوثي وسله وال د صنعا په ګډون د یمن د پلازمېنې ځینې برخې تر خپلې ولکې لاندې راوستي.
ها خوا د سعودي عربستان تر مشرۍ لاندې ائتلافي ځواکونو د ۲۰۱۵ زېږدیز کال د مارچ له میاشتې را پدېخوا له یمن څخه د ملاتړ په موخه د حوثي ملېشې پر وړاندې پوځي عملیات پیل کړي دي.
د یمن په دغو جګړو کې په دې وروستیو کلونو کې تر دا مهاله ۳۷۷ زره کسانو خپل ژوند له لاسه ورکړی دی.
