د خوست په ځاځي میدان کې د افغان او پاکستاني پوله ساتو ترمنځ نښته شوې

کابل-ګهیځ نیوز(د کب/ حوت ۲۸ مه نېټه)

د ګهیځ نیوز د خبر له مخې د خوست ځاځي میدان ولسوالۍ د پالوڅو سیمې ته څېرمه د ډیورنډ فرضي کرښې پر اوږدو د افغان او پاکستاني پوله ساتو ترمنځ نښته شوې ده.

ځايي سرچینو ویلي، چې نښته د شپې ۱۲ بجې پیل شوې، چې د سهار تر لمر څرک پورې د دواړو غاړو ترمنځ ډزې تبادله کېدې.

یوې سرچینې ګهیځ نیوز ته ویلي، چې نښتو کې له درنو او سپکو وسلو کار اخیستل شوی دی.

پاکستاني لور ته بیا سرچینو ویلي، چې خوست او پکتیکا کې د دوی جیټ الوتکو ځینې ځایونو باندې بمباردونه ترسره کړي دي.

تر اوسه د دغې نښتې له امله د مرګ – ژوبلې او نورو جزییاتو په اړه رسنیو ته څه نه دي ویل شوي.

ــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.

ګهیځ نیوز، د اطلاع رسونې باوري سرچینه

زموږ خبري ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/