د خېبر پښتونخوا په کورمه کې د دوو ډلو ترمنځ شخړو کې ۳۰ کسان وژل شوی

کابل-ګهیځ نیوز(د زمری/اسد ۸ مه نېټه)

د ګهیځ نیوز د خبر له مخې یو شمېر پاکستانۍ رسنیو د خپلو ځایی چارواکو له قوله راپور ورکړی، چې د خېبر پښتونخوا په کورمه کې د فرقه ییزو شخړو په ترڅ کې لږ تر لږه ۳۰ کسان وژل شوی او تر یو نیم سلو ډېر نور ټپیان دی.

دا شخړه پنځه ورځې وړاندې د سنیانو او شیعه ګانو د دوو کورنیو ترمنځ د ځمکې ملکیت پر سر پیل شوه، چې وروسته یې فرقه یی بڼه خپله کړه.

د ځایی چارواکو په وینا تر اوسه د دې شخړې د مخنیوی لپاره حکومتی هڅې او د ځایی مخورو جرګې ناکامه شوې دی.

د رسنیو په وینا ځایی مسوولینو د تاوتریخوالی کمولو په موخه په بګن نومې سیمه کې کورمې ته غځېدلې لویه لار تړلې او په سیمه کې انټرنیټی خدمتونه هم غیرفعال شوی دی.

د سیمې اوسېدونکو بیا اندېښنه څرګنده کړې، چې که دا لار همداسې تړلې پاتې شی، تر راتلونکو څو ورځو پورې به سیمه د دارو – درملو او خوړو له جدی کمښت سره مخامخ شی.

ــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.

ګهیځ نیوز، د اطلاع رسونې باوری سرچینه

زموږ خبری ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/